Të shtëna me armë zjari janë regjistruar mbrëmjen e sotme në zonën e Pazarit në qytetin e Korçës, ku një person ka mbetur i plagosur.
Fatmirësisht, i plagosuri i identifikuar si Maresel Rusi 33 vjeç, ndodhet në spital jashtë rrezikut për jetën, teksa mësohet se ka marrë një plumb.
Sipas burimeve paraprake nga policia personi në fjalë ka marrë një plumb në kofshë ndërsa mënyra se si është plagosur mundet që te jetë vetëplagosje, nga pakujdesia se si ka mbajtur armën.
”Më datë 11.05.2021, rreth orës 22:40, në Spitalin e Korçës, ka shkuar për ndihmë mjekësore shtetasi M. R., rreth 33 vjeç, banues në Korçë, që në rrethana ende të paqarta, dyshohet të jetë dëmtuar në fundshpinë, si pasojë e përdorimit të armës së zjarrit, i cili aktualisht ndodhet jashtë rrezikut për jetën.”, informon policia.
Grupi hetimor nën drejtimin e Prokurorisë, po vijon punën për zbardhjen e plotë të rrethanave të ngjarjes.
