Në rast se BE-ja nuk e mbështet planin e liderit Rexhep Tayyip Erdogan për të krijuar një “zonë sigurie” në Siri, presidenti i Turqisë paralajmëron sërish se do t’iu hapë dyert 2 milionë refugjatëve për në Europë.
“Nëse nuk ka mbështetje për projektet që po zhvillojmë, s’na mbetet rrugë tjetër përveçse t’u hapim dyert 1 deri në 2 milion refugjatëve, dhe t’i lëmë të shkojnë në Europë”, tha Erdogan.
Për shkak të luftës, 3.6 milionë sirianë janë larguar nga vendi dhe aktualisht ndodhen në Turqi. Por Ankaraja zyrtare synon që 2 milionë prej tyre t’i rivendosë sërish në Siri, aty ku po tenton të krijojë një zonë të sigurtë për refugjatët.
Më herët gjatë këtij muaji, presidenti Erdogan paralajmëroi krerët europianë se do të dërgojë drejt Bashkimit Europian 3.6 milionë refugjatë në shenjë hakmarrje ndaj tyre që kritikuan ofensivën turke në veri të Sirisë.
