Ish-ministri Tahiri, i cili akuzohet për trafik droge në bashkëpunim me Habilajt, ka zgjedhur të flasë shkurt sot në nisje te seancës plenare, para se të votohet për heqjen e imunitetit të tij.
Menjëherë pas fjalës së tij në foltore, deputeti Tahiri është larguar nga parlamenti, duke mos dashur të jetë i pranishëm në momentin e heqjes së imunitetit.
“Unë do jua kursej çdo fjalë lidhur me betimet, askush nga ju nuk ka kohë për të humbur, unë aq më pak e nuk pres ta gjej të drejtën time në sallën e parlamentit. Mirëpres cdo vendim tuajin cilido ai qoftë, rruga ime për të gjetur drejtësinë nuk ndalet dot”, tha Tahiri para se të largohej nga parlamenti.
