Ilia Stefo, ish-kryebashkiaku i Kolonjës nuk ka marrë pjesë në konstituimin e Këshillit Bashkiak, dhe në dorëzimin e detyrës për kryetarin e ri, Erion Isai. Me anë të një komenti në Facebook, ai sqaron se mungesa e tij ishte për arsye shëndetësore.
Duke vënë në dukje realizimin e disa projekteve, ai thotë se mund të behej edhe më shumë. Duke i uruar punë të mbarë Erion Isait, Stefo shpreson që Isai të bëjë sa më shumë për Kolonjën.
Statusi
Të dashur Kolonjarë kudo që ndodheni. Këto dy vjet e gjysëm për mua kanë qënë një nder i veçantë pasi kam qënë në krye të një Bashkie me një numër jo të madh popullsie por me një emër që peshon shumë. Së pari doja të përshëndesja të gjithë ata që më mbeshtetën në këtë punë fisnike të majtë apo të djathtë për të cilët Kolonja qëndron mbi të gjitha. Mbase duhet të kishim bërë më shumë, por ndjehem shumë mirë me punët që u realizuan disa prej të cilave po i theksoj:
Rruga hyrëse e qyetit te Ersekës dhe qëndra e qytetit të Leskovikut. Rrugët e fshatrave Selenicë, Tac lart, dhe Starje-Kaskollar. U rikonstruktuan tërësisht shkolla 9 vjecare Papa Kristo Negovani Ersekë shkolla e bashkuar Jani Vreto Leskovik dhe së shpejti do të fillojë rikonstruksioni i shkollës së mesme Petro Nini Luarasi Ersekë. Nga të gjitha punët e bëra me fondet e qeverisë dhe me fondet modeste të Bashkisë Kolonjë ajo që qëndron si qershia mbi tortë është ujësjellësi i Ersekës që do të shuajë etjen për ujë të qytetit, ëndërr kjo e bërë realitet pas shumë vitesh, ndërkohë që u realizua projekti i ujësjellësit të Leskovikut dhe u sigurua financimi i tij.
Gjatë këtyre viteve u realizua projekti i kanalizimeve të ujrave të zeza të qytetit të Ersekës si dhe projekte të rrugëve të fshatrave Gostivisht-Lëngëz-Ersekë, Mësickë-Kabash-Ersekë, Kodras-Tac poshtë-Ersekë dhe projekti për rrugën e fshatit Psar.
Dua tju kujtoj se nesër do të zhvillohet konstituimi i këshillit të Bashkisë Kolonjë ku për arsye shëndetësore nuk do të jem i pranishëm, i uroj Erjonit punë të mbarë dhe bëfte sa më shumë për Kolonjën. Gjithmonë do të jem në shërbimin tuaj. Me respekt Ilia Stefo!
