Seanca e sotme parlamentare është shoqëruar me tensione dhe debate të shumta.
Situata u tensionua edhe më shumë nga reagimi i deputetëve të opozitës, pasi kryesuesja e seancës, deputetja e PS, Vasilika Hysi nuk i ka dhënë fjalën deputetit Myslim Murrizi. Kështu seanca është ndërprerë për pak çaste, pasi deputetët e opozitës bllokuan foltoren.
“Nuk më thua ti kur flas, harroje, më jep fjalën,” iu drejtua Murrizi, nënkryetares Hysi, e cila në përgjigje kërkoi prej tij të respektojë etikën.
