Deputetja Rudina Hajdari shprehet se ligjet në Parlament nuk bëhen më për njerëzit por për pazare të dyshimta.
Gjatë fjalës së saj në Kuvend, Hajdari tha se ka edhe opozitarë që e duan këtë gjë, duke theksuar se ajo nuk do iu bashkohet atyre.
“Unë nuk bëhem pjesë e asaj opozite që do llomka, më kanë thënë që Rudinë kështu bëhet politika me pazare”, tha ajo.
Deputetja akuzon qeverinë se bën biznese me biznesmenët lidhur me koncesionet, teksa shton se ajo nuk do bjerë kurrë pre e këtyre pazareve.
“Në këtë Parlament nuk bëhet ligje për njerëzit, taksat e qytetarëve bëhen për pazare. Politikanët kanë një të fortë nga pas, një narkotrafikant që i mban në këmbë, ka edhe nga ata opozitarë që duan një llokmë të kësaj gjëje. Unë nuk bëhem pjesë e asaj opozite që do llomka, më kanë thënë që Rudinë kështu bëhet politika me pazare. Jo mo jo, politika është për të dhënë shpresë, është ndryshe. Ta çojmë deri në fund të kë mision duhet ta ndryshojmë sistemin zgjedhor.
Të vijnë këtu njerëz që përfaqësojnë qytetarin dhe jo biznesmenin. Ka ca që dalin këtu bëjnë akuza dhe në darkë ulen për darkë për të marrë një llokmë, nga një koncension. Unë nuk bëhem pjesë e pazareve, do jem kjo që jam edhe pse do kem shumë shkopinj nën rrota, do më luftojnë shumë njerëz. Qytetarët do i ngrenë sytë dhe do e kuptojnë që unë quhem Rudina Azem Hajdari, do e çoj deri në fund amanetin e tij”, tha ajo.
Ndërkohë bëhet me dije se Hajdari nuk do jetë më kryetarja e opozitës parlamentare, pasi grupi ka vendosur ta zëvendësojë me Myslim Murrizin.
