sh-ylli brazilian i Lazios që tashmë aktivizohet në radhët e West Ham në Premier League, ka folur për jetën e tij në një intervistë për BBC. Sot ai është një futbollist mjaft i njohur dhe me një karrierë të madhe, por vështirësitë për të arritur këtu kanë qenë të mëdha.
Futbollisti e ka nisur rrëfimin e tij që nga koha kur luante në Brazil dhe nuk kishte “mjaftueshëm ushqim në tavolinë”. Nga problemet në fillimet e tij te buzëqeshja aktuale, duke përmendur edhe një mik të ngushtë dhe bashkëkombës, Neymar-in, të cilin e quan “joker”.
“Ka patur momente kur nuk kishim çfarë të hanim në shtëpi. Kur vinte fundi i muajit mund të shihja trishtimin në sytë e prindërve të mi, sepse nuk ishin në gjendje të na jepnin më të mirën. Kishin shumë borxhe dhe kishin debate në lidhje me këtë”, ka thënë Anderson.
“Gjithsesi, unë nuk e shihja paranë si një pengesë, edhe pse duhej të merrja borxh çizmet, apo gjëra të tjera, nga miqtë. Tani marr forcë nga ajo që ka qenë e kaluara ime. Më ka ndihmuar t’i mbaj këmbët në tokë dhe të mbetem i përulur. Kam dëshirë të ndihmoj të tjerët, sepse e di se ka shumë njerëz në situata të vështira, ashtu siç kam qenë edhe unë “.
Anderson i ka kapërcyer të gjitha këto vështirësi dhe në vitin 2016 ka arritur kulmin, ku në Rio fitoi medaljen e atë me fanellën e Brazilit. Pjesë e atij ekipi ka qenë edhe Neymar, me të cilin Anderson ka krijuar një lidhje të fortë që nga kohët e Santos-it:
“Neymar është shumë argëtues. Një joker. I bën gjithmonë njerëzit të qeshin. Adhuron muzikën dhe të përfshijë njerëzit. Kështu ka qenë gjithmonë dhe nuk do të ndryshojë kurrë. Nëse jemi diku dhe nuk është atmosfera e duhur, e di se ai do të ngjitet mbi një tavolinë dhe do t’i motivojë të gjithë. Nuk rri dot pa qeshur dhe pa bërë shaka”.
