Përtej politikës, një interes i shtuar ka të bëjë me faktin se çfarë bëhet me jetën personale të kryeministrit. Rama, në jo pak raste e ka ‘promovuar’ Zahon, duke publikuar herë pas herë edhe ndonjë foto.
Së bashku me kryebashkiakun e Tiranës, Erion Veliaj, zhvilluan në një kafe një bashkëbisedim me banorët e njësisë nr 3.
Gjatë takimit në fjalë, kryeministri Rama u ndal edhe te djali i tij i vogël, Zaho. Ai zbuloi se në shtëpinë e tij nuk kanë kanale shqiptare, dhe se Zaho, nuk është fare i informuar rreth situatës në vend.
Kreu i qeverisë tha se djali i tij sheh vetëm filma vizatimorë. “Zaho është emër që e kanë përdorur historikisht edhe myslimanët, edhe të krishterët. Është një emër që mishëron edhe konceptin në këtë aspekt. Ai se di çfarë pune bëj. Jam duke fol në telefon, më thotë; nuk je lodhur akoma.
Ne në shtëpi nuk kemi televizion shqip, dhe nuk ka parë televizor. Ai sheh spidermanin dhe nuk është informuar për këto gjëra”, përfundoi Rama.
