Ditën e sotme, përfaqësues të komunitetit rom në Elbasan protestuan para bashkisë për mosmarrjen e shtesës së ndihmës ekonomike, që sipas tyre, është e vetmja e ardhur për t’u ushqyer.
Ky komunitet shprehet se përveç ndihmës sociale, nuk kanë asnjë të ardhur për të siguruar ushqim për familjet e tyre.
“Unë marr 42 mijë lekë (të vjetra). Unë paguaj ujë e drita me ato lekë. Edhe djali është vet i gjashtë”, tha njëri prej tyre.
“Unë dilja që lypja merrja dy-tre mijë lekë që mbaja shpirtin me bukë”, tha një tjetër.
Ndërkohë, Përfaqësues të Bashkisë Elbasan thanë se ngërçi me ndihmën ekonomike ishte zgjidhur, shkruan “opinion”.
Gjatë kësaj periudhe, shumë familje janë përballur me vështirësi të mëdha ekonomike, ndërsa shtojnë se nuk kanë marrë ndihmë nga Qeveria.
