Ish-kryeparlamentarja, Jozefina Topalli ka prezantuar forcën e re politike të kryesuar prej saj.
Partia më e re që do garojë më 25 prill, quhet ‘Lëvizja për Ndryshim’.
Në fjalën e saj, Topalli tha se kjo forcë politike u krijua nga nevoja për ndryshim.
Ajo renditi disa nga problemet kryesore aktuale në vend që duhet të marrin zgjidhje sa më shpejt.
Sipas saj, Shqipëria në këtë moment nuk ka as qeveri dhe as opozitë.
Jozefina Topalli: ”E ndërgjegjshme për kohën e vështirë që po kalon vendi. E qartë se kemi për të bërë përpara për një punë të nisur kohë më parë. E trishtë kur shoh se si vendi po boshatiset, si po shkretohen vlerat. Por, e vendosur jam për të mos qëndruar anash, për të mos heshtur dhe për të mos patur frikë. Do t’i mbështes këta të rinj në kauzën e tyre patriotike drejt një projekti të ri.
I them çdonjërit se sfidat me të cilat ne përballemi janë reale, nuk zgjidhen duke u fshehur, në një vend ku nuk ka as qeveri dhe as opozitë, as Gjykatë Kushtetuese e as të larta. Gjykata Administrative drejt kolapsit dhe ata të Shkallës së Parë kanë degraduar. Duke ditur këto, të gjithë e dimë se asnjëri nuk është i sigurt dhe se një ditë do të ndeshet me këto sfida”.
