Nuk ka qetësi për Italinë, rritet sërish numri i viktimave nga koronavirusi

Italia ka shënuar sërish një rritje të numrit të viktimave të shënuara brenda një dite nga koronavirusi.

Në 24 orët e fundit në shtetin fqinj kanë ndërruar jetë 566 persona. Duke shënuar kështu 139 viktima më shumë se ditën e djeshme.

Bëhet me dije se janë regjistruar 3,153 raste të reja me COVID-19, duke e çuar në 159,516 numrin total të personave të infektuar.

Italia mban vendin e dytë tashmë për numrin më të madh të viktimave (20,465), pas SHBA-ve ku janë regjistruar 22,876 viktima.

Ndërkohë Italia renditet e treta për numrin më të madh të personave të infektuar nga COVID-19, pas SHBA-ve (565,316) dhe Spanjës (169,496).

10 vendet më të prekura nga koronavirusi në botë (renditja sipas numrit më të madh të rasteve):

1. SHBA – 565,316 raste
2. Spanja – 169,496 raste
3. Italia – 159,516 raste
4. Franca – 132,591
5. Gjermania – 127,916
6. Mbretëria e Bashkuar – 88,621
7. Kina – 82,160
8. Irani – 73,303
9. Turqia – 61,049
10. Belgjika – 30,589

Më shumë se 1,8 milionë raste infektimi janë regjistruar në të gjithë botën, ndërsa mbi 117 mijë persona kanë humbur jetën.