Përfundon në barazim ndeshja mes Suedisë dhe Ukrainës, sfidë e vlefshme për fazën e 1/8-ave në ”Euro 2020”. 90-minutëshi nuk përcaktoi fituesin, ndaj dhe ndeshja do të ketë edhe 30 minuta shtesë.
Ishin ukrainasit ata që realizuan të parët në minutën e 27, pas një goditjeje tepër të saktë nga ana e Zinçenkos.
Ai arriti të shftyrëzojë më së miri një krosim nga ana e mesfushorit Jarmolenko.
Kur mendohej se 45-minutëshi i parë do të mbyllej me avantazhin e ukrainasve, erdhi goli i barazimit për Suedinë.
Në minutën e 43, ylli i Lajpcig, Forsberg shënoi golin e baraspeshës. Gol me fat ky për Suedinë, pasi topi u devijua nga një prej mbrojtësve të Ukrainës.
