Është mbyllur në barazim pa gola derbi i Madridit që u zhvillua në “Wanda Metropiltani’, ku të dy ekipet e kishin mjaft të vështirë të depërtonin në mbrojtje. Ka qenë një ndeshje pa shumë histori me shumë pak raste deri në minutat e fundit, ku Real Madrid ndez motorët dhe kërkon golin. Edhe të pafat mund të quhet madrilenët në këtë sfidë, pasi arbitri i ndeshjes u mohoi disa raste të pastra për penallti ku lojtarët e Atletikos e prekin topin me dorë. Nga ky barazim të vetmit që dalin të fituar janë katalanasit e Barcelonës të cilët thellojnë diferencën me të dy ekipet në 10 pikë. I ka përcjellë të gjitha emocionet që sjell një derbi kjo ndeshje, por kanë munguar golat që janë më kryesorët.
Correa shpërdoron rastin e parë në fillimin e ndeshjes që mund të kishte ndryshuar rrjedhën nëse do ta dërgonte në rrjetë. Më pas është kros që nuk godet si duhet edhe pse i vetëm në zonë dhe topi sërish prek vetëm rrjetën e jashtme. Në fundin e ndeshjes Ronaldo tenton disa goditje, por që bllokohen nga mbrojtësit e Atletico Madrid.
Napoli-Milan 2-1
Napoli rikthehet tek fitorja dhe e bën pikërisht ndaj Milanit të cilët nuk janë në formën më të mirë këtë sezon. Napolitanët marrin në dorë lojën që në fillimin e ndeshjes dhe kërkojnë të zhbllokojnë ndeshjen. Është Insigne që arrin të gjejë rrugën e rrjetës në minutën e 33’, një gol që u verifikua me anë të VAR nëse ishte pozicion jaht loje apo jo. Ndërsa goli i dytë për vendasit ka ardhur në minutën e 73’ nga Zielinski i cili shënon vetëm 5’ minuta pasi ishte hedhur në fushën e lojës nga tekniku Sarri.
Milani arrin të gjejë golin në minutën e fundit me anë të Romagniolit, gol që vlen vetëm për statistikë. Napoli me këtë fitore e ruan vendin e parë në Serie A me 35 pikë, katër më shumë se Juventus, e cila ka një ndeshje më pak. Në anën tjetër, për Milanin kjo është humbja e gjashtë në sezon dhe e lë atë në pozitën e shtatë në tabelë me vetëm 19 pikë të mbledhura.
