Joao Cancelo u transferua këtë sezon te Manchester City nga Juventus. Pritshmëritë e trajnerit Pep Guardiola për anësorin portugez ishin të larta, megjithatë mbrojtësi për asnjë moment nuk ka bindur dhe nuk ia ka dalë të kthehet në titullar. Megjithatë, për 25-vjeçarin nuk ka humbur interesi në merkato dhe së fundmi Barcelona ka nisur të ideojë luzitanin me fanellën blaugrana.
Por, duke qenë se në këtë merkato, paratë do të maten mirë kur të hidhen për shkak të krizës financiare nga koronavirusi, katalanasit propozojnë një shkëmbim. Barcelona është e gatshme t’i dhurojë Manchester City mbrojtësin e saj, Nelson Semedo.
Patrioti i Cancelo, në fakt ka qenë rregullisht i aktivizuar me Barcelonën, mirëpo katalanasit e preferojnë më shumë lojtarin e City për aftësitë e tij në fazën ofensive. Mbetet për t’u parë tashmë edhe vetë dëshirave e dy futbollistëve për të ndryshuar ambient.
