Vettingu ka shkarkuar nga detyra Besim Shabanin, zv/drejtor për Sigurinë Fizike të Personaliteteve të Larta Shtetërore (PLSH). Gjatë seancës në Komisionin e Jashtëm të Vlerësimit, që u zhvillua dy ditë më parë, u konstatuan probleme në pasurinë e Shabanit.
Komisioni i Jashtëm i Vlerësimit kërkoi një dokument qe Shabani të justifikonte pasurinë prej 20 mijë dollarësh, që sipas tij, ia kishte sjellë vëllai nga Amerika.
Ai nuk ka arritur që të provojë ligjërisht ndihmën e të vëllait, nga ana tjetër nuk ka deklaruar disa përfitime në interesa bankare. Subjekti ka përfituar disa interesa bankare në vlerën e 1563 dollarë, të cilat nuk i ka treguar.
