Ndryshe nga sezoni që lamë pas, këtë sezon Elseid Hysaj tek Napoli nuk është duke kaluar një formë shumë të lartë sportive. Në disa ndeshje ai është lënë në stol nga trajneri Carlo Ancelotti, duke humbur kështu vendin e titullarit që deri para pak kohësh nuk e diskutonte.
Kritika të shumta për shkodranin në këtë sezon duke e cilësuar atë si jo të denjë për të qenë një titullar në 11-tëshen e parë. Mirëpo nuk është i të njëjtit mendim, Alfredo Pedula, ekspert i merkatos italiane. Ai është shprehur se zërat e tifozëve nuk duhet të merren asnjëherë në bazë për të dhënë vlerësimin e një lojtari.
“Në Itali ka pak mbrojtës krahu si Mario Rui, nëse Napoli e nxjerr në shitje, do të “mblidheshin” në radhë një numër i rëndësishëm ekipesh ndërkombëtare për ta blerë. Kurse te Roma e cilësonin si të “mbaruar” pa e parë të luante asnjëherë.
Edhe në Napoli flitet në bazë të koncepteve të cilat nuk janë krijuar duke u bazuar te realiteti. Të gjithë gabojnë ndonjë ndeshje, as Ronaldo nuk është gjithmonë mes më të mirëve. Nuk janë të çmendur te Napoli që e vlerësojnë 50 milionë euro kartonin e Hysajt”– tha Pedula.
