Penalltia e akorduar në minutën e 104-ët, vendosi sfidën mes Anglisë dhe Danimarkës, të vlefshme për gjysmëfinalen e ”Euro 2020.”
Sipas ish-trajnerit të Arsenalit, Arsen Venger, nga gjyqtari holandez gaboi në vendimin e tij, rrëzimi i Stërling brenda zonës nuk mund të konsiderohet si penallti.
Ish-trajneri shprehu habi pse gjyqtari i ndeshjes nuk shkoi ta shohë vetë, pasi në të tilla raste kaq delikate dhe vendimtare, gjyqtari duhet të jetë absolutisht i sigurt.
“Nuk ishte penallti. Nuk e kuptoj pse në situata të tilla gjyqtari nuk shkon ta shoh vet situatën në ekran. Në një moment si ky, ai duhet të jetë absolutisht i sigurt”, u shpreh Venger.
Anglia do të luajë për herë të parë në një finale të Europianit, pas fitores së vuajtur ndaj Danimarkës me rezultatin 2-1, në kohën shtesë. 90 minutat u mbyllën me rezultatin 1-1-, por në minutën e 104-ët, Stërling pengohet në zonë nga dy mbrojtës danezë, por opinioni sportiv ishte i ndarë në lidhje me vendimin e arbirtit.
Disa prej tyre e konsideruan një rënie të qëllimshme të Stërling, dhe jo penallti e shkaktuar nga danezët.
