Edhe pse është një ndër vendet më të prekur nga koronavirusi në Evropë, shtetasit e Britanisë vijojnë të thyejnë rregullat e vendosura nga qeveria.
Temperaturat e larta kanë bërë që qytetarët të mos rezistojnë më dhe t’u drejtohen plazheve.
Siç tregohet edhe në fotot e publikuara nga mediat vendase, qytetarët janë dyndur në plazhe për të marrë rreze dielli pa respektuar rregullin e distancimit social.
Mbretëria e Madhe vijon ende të regjistrojë një ndër shifrat më të larta të vdekjeve nga koronavirusi, brenda 24 orëve.
Në 24 orët e fundit, Mbretëria e Bashkuar ka shënuar 214 vdekje, duke e çuar në 38,376 numrin total të personave që kanë humbur jetën nga koronavirusi.
Deri më tani, Mbretëria e Bashkuar ka regjistruar mbi 272 mijë raste infektimi, duke zënë vendin pestë në botë për numrin më të lartë të të infektuarve, pas SHBA-ve, Rusisë, Brazilit dhe Spanjës.
Më shumë se 6,1 milionë njerëz nga e gjithë bota janë prekur nga COVID-19, ndërsa mbi 371 mijë persona kanë humbur jetën.
