Një person është arrestuar në flagrancë, pasi lëvizte me armë të ftohtë, si dhe kundërshtoi punonjësit e policisë.
Bëhet fjalë për shtetasin me iniciale F.L., 20 vjeç, banues në Fier.
Arrestimi i këtij shtetasi u bë pasi duke drejtuar mjetin tip “Ford”, gjatë kontrollit të ushtruar në çantën që kishte krahë-qafë iu gjet e sekuestrua në cilësinë e provës materiale 1 thikë metalike, si dhe ka kundërshtuar patrullën e policisë duke mos iu bindur.
Materialet i kaluan Prokurorisë pranë Gjykatës së Shkallës së Parë Fier.
