Një tjetër tërmet është regjistruar mbrëmjen e djeshme në Greqi. Mediat vendase raportojnë se tërmeti me madhësi 4.2 të shkallës Rihter u ndje gjatë orës 20:15 me orën lokale.
Sipas Qendrës Sizmologjike Euro-Mesdhetare, epiqendra e tij ishte 91 kilometra në jug të Athinës dhe 32 kilometra në juglindje të Hidrës.
Tërmeti ishte sipërfaqësor, me një thellësi fokale prej rreth 5 km dhe për këtë arsye u ndje në shumë zona të Attikës.
Ndërkohë një profesor i Gjeologjisë, Efthimi Lekkas, është shprehur se rajoni i Hydras ka qenë historikisht me ndjeshmëri të ulët sizmike. Sipas tij, dridhjet e regjistruara këtë herë ishin në potencialin e tyre maksimal.
