Mesfushori i Levantes, Enis Bardhi ka shënuar dy gola kundër skuadrës baske, Atletico Bilbao në La Liga. Futbollisti me origjinë shqiptare që luan për kombëtaren maqedonase ka realizuar dy gola me goditje dënimi nga një pozicion mjaft i vështirë, por ekzekutimi i Bardhit është thjeshtë për tu shijuar.
Skuadra ku aktivizohet Bardhi dhe Sadiku është duke fituar 1-2 pas mbylljes së 45 minutave të para, edhe pse u gjend në disavantazh pas golit të Garcias në minutën e 8. Bardhi gjeti golin e barazimit në minutën e 43-të, me një goditje të shkëlqyer dënimi, nga një kënd i prirët, ndërsa vetëm 2 minuta më pas e ktheu në 1-2 rezultatin, me një tjetër perlë, thuajse identik me golin e parë.
