Edhe pse u injorua në listën e lojtarëve që përfaqësuan Zvicrën në Botërorin e Rusisë, sulmuesi me origjinë nga Kosova, Albian Ajeti ka zgjedhur helvetët. Sulmuesi do të jetë risia në listën e trajnerit Petkovic për ndeshjet e Nacional League. 21-vjeçari ka lindur në Bazel, vëllai i mbrojtësit të kombëtares shqiptare Arlind Ajeti.
Mbrëmjen e 8 Shtatorit, helvetikët do të presin Islandën në stadiumin e “Sent Galen”, ndërsa më pas do të zhvillojnë një miqësore me Anglinë. Krahasuar me kontingjentin pjesëmarrës në botërorin e kësaj vere, bie në sy edhe lënia jashtë listës e mesfushorit nga Tetova, Blerim Xhemaili.
Por gjithsesi mes futbollistëve të grumbulluar janë në total 4 shqiptarë, debutuesi Albian Ajeti, Admir Mehmedi i rikthyer te Zvicra, dhe veteranët Xherdan Shaqiri e granit Xhaka që luajnë në kampionatin anglez.
