28-vjeçari Ilir Gjoka, i cili ishte shpallur në kërkim për vrasjen e partneres së tij, 19-vjeçares shqiptare, Shejla Bakija, është vetëdorëzuar në polici.
Mediat lokale në Mal të Zi bëjnë me dije se Gjoka është vetëdorëzuar në komisariat në orët e vona të mbrëmjes së kaluar.
Ngjarja e rëndë ka ndodhur të mërkurën, ku Shejla Bakija u vra nga partneri i saj, Ilir Gjokaj. Burimet bëjnë me dije se Ilir Gjokaj kishte shkuar në shtëpinë e të ndjerës, pasi ajo nuk kishte pranuar të kthehej me të pas ndarjes. Për fat të keq, plumbat i morën jetën 19-vjeçares dhe gjyshes së saj, ndërsa mbeti i plagosur rëndë babai i të resë.
Një ditë më parë, Mali i Zi u ngrit në protesta për 19-vjeçaren. Qytetarët kërkonin drejtësi, pasi e reja kishte denoncuar më herët në polici të shoqin, por askush s’kishte marrë masa.
