Iker Kasijas: “Ishte viti 1997 dhe isha në orën e vizatimit në shkollë. Ishte fundi i nëntorit dhe Reali i Madridit po luftonte në kampionat. Ata ishin në vend të katërt dhe kishin patur rezultate negative, por gjërat ishin shumë më mirë në Ligën e Kampionëve. Duhej të luanin një ndeshje të rëndësishme kundër Rosenborgut në Norvegji. Në një moment të caktuar drejtori hyn në klasë. Të gjithë e dinin se unë po luaja në ekipet e të rinjve të Realit të Madridit dhe ai shpesh fliste me mua për Realin ashtu siç flisja me miqtë e mi. Ai më thotë: ‘Iker, a vjen jashtë një moment?’. Sapo dal jashtë ai më thotë: ‘Merr një taksi dhe shko shpejt në aeroport sepse Reali sapo ka telefonuar nënën tënde: duhet të nxitosh sepse duhet të shkosh në Norvegji’. Mu bë sikur fitova lotarinë. E kujtoj atë moment në mënyrë perfekte. Isha 16 vjec. Shkova në shtëpi, u ndërrova, mora një taksi për në Barajas dhe takova të gjithë yjet e Realit.
Kalova nga të qenit në klasë ulur në bangë me shokun tim Hulio, në të njëjtën tryezë me Morientesin, Sedorf, Mijatović, Šuker dhe Raúlin … ”.
Pjesa tjetër është historia e një kampioni bote i cili sot feston ditëlindjen e 40-të:
Rekordmen i paraqitjeve në Ligën e Kampionëve.
Rekordmen i paraqitjeve në Evropë me Realin.
Ka marrë pjesë në pesë evropianë (rekord absolut) dhe 4 kampionate botërore.
Ka fituar 27 trofe në karrierë, përfshirë 5 kampionate spanjolle, 3 Champions League, 2 kampionate evropiane, një kupë bote.
