Disa ditë para përballjes së Ligës së Kampionëve kundër Barcelonës, Liverpuli ishte në grumbullim në Portugali për t’u përgatitur për ndeshjen. Një mbrëmje lojtarët vendosin të dalin për t’u çlodhur.
Disa prej tyre shkojnë në një pub, dhe mes një birre dhe një tjetre, lojtarët zbulojnë se aty ka karaoke. Një zbulim që veçanërisht emocionon Craig Bellamyn i cili, fton të tjerët të marrin pjesë. Dikush këndon disa rreshta, të tjerë jo. John Arne Riise nuk dëshiron të dëgjojë për karaoken dhe pas insistimit të uellsianit ai përgjigjet keq.
Bellamy nuk mendon dy herë dhe e sulmon norvegjezin, duke u mbajtur menjëherë nga shokët e tjerë të skuadrës. Dukej sikur u mbyll atje, por, kur kthehet në hotel, Bellamy “gjithmonë i qetë” sulmon Riisen përsëri edhe duke marrë një shkop golfi. Lajmi padyshim që përfundon në gazeta dhe Bellamy “masakrohet” nga të gjithë.
Sidoqoftë, dy ditë më vonë, fjalët ia lënë vendin lojës. Liverpuli u ngjit në skenë në Camp Nou dhe Bellamy realizoi një paraqitje të mahnitshme me një asist për Riisen dhe një gol.
Dhe pas golit, Bellamy vendos t’i ngacmojë të gjithë me një festë të veçantë: uellsiani imiton një goditje golfi. Të njëjtën goditje që rrezikoi të merrte RIise në kokë, siç u konfirmua dhe nga vetë Bellamy vite më vonë:
“Jam shumë i keq kur pi. Kur Riise mu kthye keq, e humba kontrollin. Doja të testoja shkopin tek ai” …
Sot feston 41 vjetorin djaloshi i talentuar, Cassano i Uellsit, Craig Bellamy.
/Tirana Today
