7 korrik 1974, Olympiastadion në Mynih
Gjermani Perëndimore-Holandë
Finalja e Kupës së Botës. Topi i parë, e nis Holanda, Cruijff dhe Van Hanegem.Pastaj Neeskens, Krol Rijsbergen, Haan, Suurbier, Haan, Rijsbergen, Haan, Cruijff, Rijsbergen, Krol, Van Hanegem, Neeskens, Rijsbergen … Topi arrin te Cruijff: inkursion marramendës për të lënë pas Votgsin që e markon, më pas hyrja në zonën ku Uli Holness provon një ndërhyrje të dëshpëruar dhe të ngathët. Penallti. Penalltia e parë në një finale të Kupës së Botës. Neeskens godet, dhe 1-0.
1-0 pas vetëm një minute lojë dhe pa e prekur asnjëherë topin kundërshtari. Ndoshta është minuta më e papërsëritshme në historinë e Kupës së Botës. Duket parathënia e një fitorje të lehtë për Hollandën.
Sepse një goditje si kjo, pas 60 sekondash, do të hidhte nokaut pothuajse të gjitha kombëtaret në botë. Pothuajse të gjitha, sigurisht jo Gjermaninë. Gjermaninë që e përmbys rezultatin dhe fiton Kupën, Kupën e Botës. Por, një herë të vetme bota e futbollit do t’i kujtojë humbësit më shumë se sa fituesit. Sepse humbësit ishin, ekipi që revolucionarizoi më shumë se kushdo tjetër futbollin. Futbolli që nga Holanda e 74-ës nuk është më i njëjti. /Tirana Today
