Norvegjezi, Anders Breivik, i cili akuzohet për vrasjen e 77 personave, do të aplikojë për falje të dënimit.
“Me kërkesën e tij, unë kam dërguar kërkesë për falje. Kjo është një e drejtë që të gjithë të burgosurit e kanë dhe ai dëshiron ta përdorë”, tha avokati i tij, Oeystein Storrvik.
Ekstremisti i djathtë vrau tetë persona përmes shpërthimit të bombës në Oslo dhe qëlloi për vdekje 69 të tjerë në një ishull afër kryeqytetit norvegjez. Shumë prej viktimave ishin adoleshentë që po merrnin pjesë në një kamp. Sulmet e tmerrshme i kishte kryer në korrik të vitit 2011.
Ai u dënua një vit më vonë me 21 vite burgim, dënimi më i lartë sipas ligjeve norvegjeze. Breivik do të ketë të drejtë të kërkojë falje të pjesës së mbetur të dënimi, pasi t’i ketë kaluar 10 vite në burg, kohë që përmbushet në korrik të vitit të ardhshëm.
Në vitin 2015, i dënuari ishte përpjekur ta padiste shtetin norvegjez për t’u liruar nga burgu, me arsyetimin se kushtet e rrepta në të cilat po mbahej paraqesin shkelje të të drejtave njerëzore.
