Ish-kreu i PD Lulzim Basha ka reaguar pas akuzave të Sali Berishës lidhur me portin e Durrësit. Përmes një postimi në faqen e tij në Twitter, Basha thotë se arsyeja se pse sipas tij Berisha shpif publikisht, është që të heqë vëmendjen nga fakti se ai vetë dhe oligarkët e tij janë të zhytur kokë e këmbë në aferën e Portit të Durrësit.
Berisha pretendon se administratori i kompanisë së kunatit të Bashës, Oltjan Hoxholli, vijon të jetë në punë në kompaninë që pritet të marrë Portin e Durrësit.
“Arsyeja pse non grata gënjen dhe shpif publikisht është që të heqë vëmendjen nga ky fakt: ai dhe oligarkët e oborrit të tij janë të zhytur kokë e këmbë në aferën e Portit të Durrësit. Dhe jo vetëm aty”.
Arsyeja pse non grata gënjen dhe shpif publikisht është që të heqë vëmendjen nga ky fakt: ai dhe oligarkët e oborrit të tij janë të zhytur kokë e këmbë në aferën e Portit të Durrësit. Dhe jo vetëm aty.👇https://t.co/zeIjTB28wz
— Lulzim Basha (@lulzimbasha_al) November 24, 2022
