Për ish-deputetin e Partisë Demokratike, Flamur Noka, reagimi i qeverisë pas tërmetit është një shfaqje e shëmtuar, që po shfrytëzohet për propagandë nga kryeministri Edi Rama dhe qeveria e tij. Pavarësisht faktit se çdo sizmolog e vë theksin në faktin se tërmetet nuk mund të parashikohen, Noka kthehet pas në kohë, kur e paralajmëroi presidenti Meta. Në vazhdën e akuzave, ai shprehet më tej se qeveria e shfrytëzoi këtë rast për propagandë.
“Qeveria duhet të kishte marrë masa, u paralajmërua nga Meta. Mediat e bënë si të çmendur. Duhej të diskutohej, të shihej nga qeveria se mund të kishte tërmete.
Masat janë se ka vende ku tërmeti mund të ketë rrëshqitje. E para e punës paralajmërohet popullsia, qartësohet që ne jemi zonë sizmike, që të mos e kapte paniku qytetarët.
Ka një gjë që është e neveritshme, se tërmetin e shfrytëzuan për propagandë. Deri më 18 tetor do e kesh Rilindjen vetëm duke u marrë me tërmetin. Kjo është për të mbuluar gjithë gjëmat dhe bëmat e tyre”, tha Noka.
