Noizy ka shuar heshtjen, ndërsa ka folur për herë të parë për sherrin me Ledion Liçon, duke dhënë sinjalet për një etapë të re. Në një intervistë si rrallë herë për të pathënat, këngëtari foli për komentet e bëra ndaj Ledion Liços, pasi u largua papritur nga Top Awards. Ai tha se më herët nuk ka patur mundësi për të kontaktuar me Ledionin, kjo për shkak të angazhimeve të tij profesionale. Në ambientet e Top Albania Radio, për të dhënë një intervistë ekskluzive në “Wake Up”, këngëtari Rigels Rajku u shpreh se pajtimi me Ledion Liçon duhet të kishte ndodhur më shpejt, por nuk ka pasur kohë të reflektojë.
“Mund të kishte ndodhur dhe më shpejt ky pajtim, po angazhimi i tepërt nuk më ka dhënë kohë as të reflektoj, udhëtimet e shpeshta jashtë shtetit.
Mund të jem tre ditë në Shqipëri dhe më pas jam me koncerte jashtë shtetit. Nuk kam pasur mundësi të flas me Ledionin, e kam menduar, nuk kam qenë asnjëherë kundër të pajtoheshim. Mund të ishte më ndryshe, por në nerva e sipër nuk e kontrollova dot veten”.
