Elvin Prenga është vetëm 21 vjeç, por tashmë është një premtim i madh për skenën e muzikës italiane rap. Në faqja e tij në “Facebook”, Elvin Prenga ka njoftuar nxjerrjen e këngës së re rap të titulluar “Gggansta”, në bashkëpunim me reperin e talentuar White Jezus.
https://youtu.be/QebgIaKapAI?t=5
Elvin Prenga është shqiptari, i cili u rrit në provincën e Bergamos. Ai ka një pasion të veçantë për muzikën dhe sportin. “Unë jam shumë i pasionuar pas futbollit dhe boksit, por pasioni im kryesor është sigurisht muzika, të cilës unë i jam përkushtuar që fëmijë”, shpjegon Elvini.
Kur lindi pasioni juaj për muzikën?
Kur isha në shkollë fillore dëgjoja të gjitha zhanret e mundshme muzikore. Pastaj, kur u rrita, veçanërisht në klasën e shtatë, unë u impresionova nga muzika rap e Eminem. Që nga ai moment, pak edhe për argëtim, fillova ta pëlqeja këtë lloj rryme dhe fillova të shkruaja edhe tekstet e mia të para.
Pse Eminem?
Unë isha i frymëzuar nga Eminem sepse ai luftonte kundër të gjithëve dhe gjithçkaje, madje edhe nëse në fillim askush nuk e kuptonte mënyrën e tij të muzikës, në fund ai arriti të mbizotërojë mbi të gjithë dhe të bëhet një nga më të mirët.
Çfarë do të thotë muzika për ju?
Për mua, muzika do të thotë të transmetosh emocione duke treguar një pjesë nga vetja. Muzika të lejon të shprehësh mendimin dhe të flasësh për të kaluarën, të tashmen edhe për të ardhmen.
Çfarë kuptimi kanë takstet e këngeve të tua?
Tekstet e mia flasin kryesisht për të kaluarën dhe të tashmen, madje edhe për atë që pres nga e ardhmja.
Përshkruaj muzikën tënde në tre fjalë.
Muzika ime është melodike, e veçantë dhe e vërtetë. Edhe nëse pranoj se është në transformim të vazhdueshëm: çdo herë që rap evoluon, qasja ime muzikore gjithashtu ndryshon.
Si lindi bashkëpunimi me White Jezus?
Bashkëpunimi me ËJ ka filluar shumë kohë më parë, nuk është videoja e parë që bëjmë së bashku dhe madje para se të fillonim të punonim me këngën, ai dhe unë ishim miq, kështu që mes nesh ka para së gjithash një miqësi të madhe dhe më pas pasionin që ne të dy kemi për muzikën, si dhe respektin e ndërsjellët, duke folur në mënyrë muzikore. E gjithë kjo përzierje na ka lejuar të bashkëpunojmë mirë së bashku.
Cilat tema që ju dhe White Jezus trajtoni tek kënga “Gggansta”?
Në këngën e re ne tregojmë përvojën tonë, planet tona për të ardhshmen dhe ambiciet tona./Përshtati: Tirana Today/
