“Predator B” ky është emri i dronit që eliminoi gjeneralin Iranian Qasem Soleimani. Ky superdron njihet ndryshe dhe me emërtimin MQ-9 Reaper, i përkthyer në shqip “reaper” do të thotë korrësi. Një sinonim i përdorur gjerë në SHBA për fjalën “vdekje” duke e lidhur me kontekstin piktografik të “Grim the Reaper”- “Skeleti i veshur me kapuç të zi dhe kosë në dorë”, i përhapur gjerë në kinematografi dhe në kulturën urbane të Amerikës.
Sipas të dhënave kostoja e këtij droni është 15.9 milionë dollarë, duke e bërë atë një nga më të shpejtët, saktët dhe më të padukshmit në botë. I tillë ka qenë dhe rasti i të premtes. Droni ka lëshuar dy raketa “hellfire” nga një distancë mbi 10 km largësi. Për asnjë moment, viktimat e tij nuk kanë pasur dyshimin se “Kosa e Vdekjes” po vinte për ta.
Amerika ka me qindra dronë të kësaj kategorie. Sipas informacioneve programi i dronëve u ka kushtuar 12 miliardë dollarë taksapaguesve amerikanë.
