Lobimi i partive politike në Shqipëri dhe në vende e tjera, kryesisht është bazuar në metoda aspak transparente. Krahas problematikave në vendet e tjera, edhe në Shqipëri ka patur akuza për lidhje të fshehta të burimit të parave-shkruan Tirana Today.
Kjo akuzë është ngritur pas një investigimi të revistës “Mother Jones”, e cila nënvizon se lobimin i Bashës në SHBA është paguar nga biznesmenë rusë. Dilemat dhe dyshimet për ndërhyrjen e rusëve në zgjedhjet e Shteteve të Bashkuara të Amerikës ka shkaktuar furtunë në drejtësinë amerikane-shkruan Tirana Today.
Podesta Group është një kompani e njohur edhe në Shqipëri. Qeveria e Partisë Demokratike e punësoi atë në vitin 2011 deri në vitin 2013, me një tarifë prej 60 mijë dollarësh në muaj, të cilat u paguan me paratë e taksapaguesve shqiptarë. Zyrtarisht, Podesta duhej të lobonte për përmirësimin e marrëdhënieve politike mes qeverive të të dy vendeve. Podesta pati lobuar në disa faqe konservatore amerikane për të bërë shkrime negative kundër Edi Ramës, në atë kohë, kreu i opozitës, ndërkohë që qëndroi edhe pas fushatave elektorale të PD-së.
Kjo kompani është mbyllur për shkak të hetimeve dhe lidhjet e mundshme me rusët. Pritet që pas hetimeve të kryera të zbardhet e gjithë skema dhe roli i kësaj kompania në ndikimin e Rusisë në zgjedhjet e Shteteve të Bashkuara të Amerikës.
Ajo akuzohet se është përfshirë në kurimin e imazhit të ish-liderit autokrat të Ukrainës, Viktor Janukoviç si dhe në manovrat e ish-menaxherit të fushatës elektorale të Donald Trump, Paul Manafort mbi lidhjet e këtij të fundit me Rusinë, të cilën SHBA e ka akuzuar se ka ndërhyrë në zgjedhjet e fundit amerikane.
Kujtojmë se edhe Nick Muzin i kotraktuar nga PD-ja për të lobuar në SHBA ka qenë pjesë e fushatës së Trump, por menjëherë pas zgjedhjeve ai është larguar nga “skuadra” e tij. Ajo se çfarë ka ngjallur dyshime të forta është mënyra dhe personat që financuan PD-në në Amerikë.
Sipas revistës amerikane, një pjesë të parave të lobimit të Partisë Demokratike janë paguar nga bi znesmenë rusë. Si këmbim rusët kërkonin të ngrinin një plan de stabilizimi në Ballkan, por kjo është hedhur poshtë nga ambasada ruse në Tiranë.
Pyetja është pse Basha zgjodhi lobistin amerikan, i cili kishte dhe lidhje me rusët dhe bizneset e tyre. Kjo natyrisht pritet të mësohet e plotë, vetëm pas përfundimit të hetimeve tashmë të nisura. Edhe Muzin njëjtë me Paul Manafort, akuzohet për shmangie taksash dhe ky i fundit vijon të përballet me akuzat e ndërhyrjes në zgjedhjet e SHBA-së dhe lidhjet me rusët.
Manafort rrezikon burgun
“Paul Manafort mund të përballet me drejtësinë dhe mund të dënohet me mbi 300 vite burg”-deklaroi të martën një gjykatës federal. “Duke pasur parasysh natyrën e akuzave kundër të pandehurit dhe peshën e dukshme të provave kundër tij, i pandehuri përballet me mundësinë reale të kalimit të pjesës tjetër të jetës së tij në burg,” gjykatësi federal T.S. Ellis III i Gjykatës së Qarkut të SHBA-së në Rajonin Lindor të Virxhinias.
Gjykatësi javën e kaluar dha masën e sigurisë arrest shtëpie për Manafort. Ai do të monitorohet përmes sistemit të GPS duke vendosur një garanci financiare prej 10 milionë dollarë. 68-vjeçari Manafort, ka qenë nën arrest të ngjashëm shtëpi për një rast të veçantë në Uashington, DC. Të marra së bashku, ish-kryetari i fushatës së Trump përballet me kufizime të rrepta dhe pasoja të mundshme pasi ai pret dy gjyqe që rëndojnë mbi të.
Nëse Manafort do të zgjidhte për të shmangur gjyqin dhe për të ndryshuar qëndrimin për fajësinë, ashtu siç bëri bashkëpunëtori i tij Rick Gates , prokurorët specialë të Robert Mueller munt ta detyrojnë për të ndarë detajet që ai i di rreth kontaktit të zyrtarëve të fushatës Trump me rusët dhe shtetasve të huaj. Manafort për dekada me radhë ka bërë biznes duke krijuar marrëdhëniet me ukrainasit simpatizantë rusë dhe politikanët e tjerë të fuqishëm evropianë, ndërsa ka mbajtur kontakte me ta gjatë drejtimit të fushatës së Donald Trump.
Ai ka deklaruar se nuk ka asnjë lidhje me akuzat e ngritura ndaj tij. Ellis tha se Manafort ka burimet e tij financiare dhe lidhjet ndërkombëtare dhe mund të largohet para gjyqit dhe mund të jetojë në liri të plotë”. Manafort aktualisht monitorohet nga dy sisteme GPS, një nga gjykata federale në Virxhinia dhe një nga gjykata federale në DC. Manafort përballet me një maksimum prej 305 vjetësh burgim, nëse gjendet fajtor për të gjitha akuzat në Virxhinia.
Akuzat
Akuzat në lidhje me shmangien e taksave përballet vetëm në Virxhinia. Dënimi i tij i mundshëm do të jetë 8 vjet, thanë prokurorët në një dosje të paraqitur më herët nga ana e gjykatës. Ai gjithashtu përballet me 9 akuza të tjera për mashtrim bankar dhe komplote të tjera, çdo akuzë nëse faktohet është e dënueshme me 30 vite burg. Pra për këto 9 akuza ai rrezikon 270 vjet burg.
Në çështjen e DC-së, Manafort përballet me një dënim të mundshëm prej 15 -20 vite burg nëse dënohet atje me pesë akuza të komplotit total dhe shkelje të lobimit të huaj. Pretendimet e ngritura në aktakuzat penale, të paraqitura nga zyra e Muellerit këtë vjeshtë dhe dimër, përshkruajnë një skemë të kompanive të huaja dhe llogaritë bankare “of shore”që Manafort i fshehte të ardhurat e tij nga lobimi për politikanët ukrainas. Ai dyshohet se përdori ato fitime për të marrë hipotekë dhe për të blerë renovime në shtëpi dhe mallra luksoze.
10 korrik 2018, gjyqi ndaj Manafort
Gjyqi i Manafort do të mbahet më 10 korrik. Manafort aktualisht ka për të informuar të dy gjykatat në DC dhe në Virxhinia nëse dëshiron të largohet nga shtëpia për ndonjë arsye, përveç emergjencave mjekësore, shërbimeve fetare dhe për t’u takuar me avokatët e tij ose të dalë para gjykatës.
Urdhri i gjyqtarit të Virxhinias të martën ka përcaktuar që ai nuk duhet të përdorë pije të shumta ose të përdorë medikamente që nuk i janë përshkruar atij, ai është i bllokur në 24 orë dhe në monitorim të rreptë. Autoritetet federale i kanëe bllokuar dokumentet dhe nuk mund të aplikojë për dokumente të reja për udhëtim.
“Ai është mjaft i qartë dhe e di rrezikun e fluturimit. Ai ka pasuri të konsiderueshme personale dhe përballet me një periudhë të konsideërueshme burgimi nëse shpallet fajtor për akuzat e ngrituira”, tha Ellis në gjyq javën e kaluar Manafort do dalë në gjyq në Virxhinia më 10 korrik, ndërsa në Uashington më 17 shtator. TIRANA TODAY
