Mbrëmja gala e organizuar nga FIA në përfundimit e sezonit 2017-2018 të Formula 1 e gjeti Kimi Raikkonen në humor të mirë, ndryshe nga sa jemi mësuar ta shohim finlandezin.
I njohur ndryshe si “Njeriu i Akullt” për nga karakteri i tij dhe sjellja tepër korrekte, këtë herë ish-piloti i Ferrarit ka sjellë një anë krejt të kundërt të tij. Ai u filmua në disa raste me veprime të çuditshme.
Duartrokitje të forta, lëvizje të çrregullt të duarve, shikimi i hutuar bllokimi i pamjes së kamerës ishin disa nga veprimet e tij teksa Hamilton merrte çmimin e tij si kampion i sezonit që përfundoi. Momenti që arriti kulmin ishte kur Sebastian Vettel u ngjit në skenë për të marrë çmimin e tij si nënkampion i F1.
Raikkonen rendi pas gjermanit në skenë duke thyer protokollin e ceremonisë. Drejtuesit u përpoqën ta ndalin por ai e kishte mendjen top të shkonte te ish-shoku i skuadrës e ta përqafonte me shumë dashuri. Për të rregulluar situatën organizatorët i dhanë edhe atij çmimin për vendin e tretë edhe pse ishte para kohe. Veprimet e pakontrolluara duken edhe në fytyrën e gruas së Raikkonen, e cila teksa po filmonte me celularin e saj pa bashkëshortin teksa rendi pas Vettel.
Risi në këtë mbrëmje solli edhe Sebastain Vettel, i cili u shfaq me mustaqe, një stil që se kishim parë kurrë më parë te piloti gjerman.
