Ish-ministri Ditmir Bushati, i cili është edhe deputet i zonës së Shkodrën ka marrë fjalën i pari në mitingun elektoral. Ai iu drejtua protestuesve si një tufë me njerëz nuk mund ta djegin qytetin
Bushati gjithashtu thumboi edhe kryetaren e bashkisë së Shkodrës, Voltana Ademin se u bë e famshme për molotovin, ndryshe nga kultura që qyteti përçon.
“Një tufë njerëzish s’mund të djegin, Shkodrën e Luigj Gurakuqit që përqafoi dijen e jo zjarrin. Një Shkodër që lartëson emrin dhe historinë e saj duke ecur më shpejt se bashkitë e tjera”,- tha ai.
Kandidati i PS-së për këtë Bashki, Valdrin Pjetri premtoi se pasi të fitojë zgjedhjet do ta kthejë qytetin në një zonjë të vërtetë, ashtu siç e meriton.
“Bashkia Shkodër, duhet të na bashkojë të gjithëve përtej këtij sheshi. Kërkoj nga secili prej jush mbështetjen tuaj e më 30 qershor të nisim një kapitull të bukur për zonjën Shkodër. Veprat tona do të nisin që në mandatin e parë, e Shkodra do të qeveriset për herë të parë pas 28 vitesh nga e majta”.
