Një tjetër shtet do të heqë vizat për shqiptarët nga data 10 korrik. Bëhet fjalë për Armeninë, e cila tashmë po planifikon lëvizjen e lirë pa viza për shtetasit e Shqipërisë, Turkmenistanit, Libanit dhe Kanadasë, duke nisur nga data 10 korrik 2018.
Vendimi në fjalë pritet të miratohet sot, gjatë mbledhjes së kabinetit qeveritar.
Kjo do t’u mundësojë qytetarëve shqiptarë dhe jo vetëm që të vizitojnë Armeninë pa patur nevojë të aplikojnë për vizë për një maksimum prej 180 ditësh, brenda një viti.
Sigurisht që kjo çështje shikohet dhe në aspektin financiar, në të mirat e saj. Sipas qeverisë armene, kjo do të ndikojnë në rritjen e turizmit, njohjen e ndërsjelltë të vlerave historiko-kulturore të vendeve si dhe rritjen e bashkëpunimit dypalësh.
