Koronavirusi i ka marrë jetën një tjetër personi në Kosovë, duke e çuar në 8 numrin total të viktimave.
Bëhet fjalë për një 39-vjeçare nga Istogu. Mësohet se viktima vuante edhe nga sëmundje të tjera shoqëruese. Ditën e diel ajo ishte transferuar nga spitali i Përgjithshëm Rajonal i Pejës për në Klinikën Infektive të QKUK-së.
“Ka qëndruar në Spitalin tonë dy ditë e gjysmë me probleme me zemër dhe përkeqësime në lukth, pa shenja tjera primare. Në përmirësim e sipër, mbrëmë në moment i është përkeqësuar situata. Dy teknik urgjentisht kanë intervenuar, kanë qenë pa maskë, sepse ka qenë urgjencë nga dhoma në dhomë”, kishte njoftuar Drejtori i Spitalit të Përgjithshëm Rajonal të Pejës, Skënder Dreshaj,
Deri më tani në Kosovë janë regjistruar gjithsej 362 raste me COVID-19.
