Një tjetër anije do të futet në karantinë për shkak të koronavirusit. Pas kroçierës së parë në Itali dhe dy të tjerave në Japoni, radha është e një kroçiere në SHBA.
Sipas CNN, një anije kroçierë në afërsi të New York-ut do të jetë në kontroll të rreptë për raste të koronavirusit. Lajmi është bërë i ditur nga një prej zyrtarëve të qendrës për Parandalimin dhe Kontrollin e Sëmundjeve.
Ata janë në dijeni të situatave dhe kanë dyshime së në brendësi të anijes mund të ketë persona tashmë të infektuar.
Kujtojmë se sot u shtuan dhe 41 raste të tjera në kroçierën në Japoni, çka ka bërë që në gjithë botën t’i kushtohet një rëndësi e veçantë anijeve të pushimeve.
Sipas zyrtarit amerikan, në anije ka persona të cilët kanë udhëtuar në Kinë dhe në kushtet e emergjencës kombëtare, ata duhet të kontrollohen me patjetër, pasi mund të jenë bartës të virusit.
