Prej ditësh, Stivi Frashëri i ka dhënë lamtumirën Kukësit. Por klubi sot, ka zyrtarizuar largimin e tij, pas një njoftimi në faqen zyrtare të klubit. Frashëri ka qenë i pari që e ka dhënë një lajm për largimin e tij dhe flitet se do të transferohet te Teuta. Ai luajti 62 ndeshje me Kukësin në të gjithë kompeticionet në dy sezonet e fundit.
Njoftimi i klubit:
“FK Kukësi informon se marrëveshja mes portierit Stivi Frashëri dhe Klubit tonë ka përfunduar. Shtatlarti, i cili ka mbrojtur portën e nënkampionëve në 62 ndeshje në të gjitha kompeticionet, gjatë dy sezoneve më skuadrën tonë arriti të fitonte Kupën e Shqipërisë. Klubi dëshiron të falënderojë Stivi Frashërin për kontributin e dhënë dhe i uron njëkohësisht suksese të mëtejshme në karrierën e tij sportive”.
