Deputetja Ina Zhupa e cila më parë ka qenë e pozicionuar në grupin e atyre që ishin kundër ish-kryeministrit Sali Berisha, i është bashkuar sot Kuvendit Kombëtar.
Ajo tha në një prononcim të shkurtër për mediat se është e pranishme në Kuvend, për të bërë një akt nga ana e saj në drejtim të bashkimit, dhe në respekt të demokratëve që ndodhen në këtë Kuvend.
“Unë marr pjesë në këtë Kuvend jo për tu konsideruar si palë me një grup apo tjetrin, por për të bërë një akt nga ana ime në drejtim të bashkimit dhe në respect të demokratëve që ndodhen në këtë Kuvend. Një pjesë e të cilëve janë edhe nga dega e Sarandës dhe votues të PD. Sigurisht që ky nuk është akti i fundit sepse bashkimi është proces dhe ai duhet ndjekur hap pas hapi”.
