Eksperti i Shëndetit Publik, mjeku Erion Dasho, ka denoncuar një rast ku është abuzuar me një qytetar pasi kishte shfaqur temperaturë 38 gradë. Kaq ka mjaftuar që mjeku i familjes ti japë një recetë me një sërë ilaçesh, ku në të vërtetë janë të panevojshme kur pacienti në fjalë nuk ka shfaqur simptomat e tjera të koronavirusit.
Edhe më e rëndë bëhet fakti kur mjeku i ka dhënë aq shumë ilaçe, sa ngjan me një farmaci të vogël. Sipas Ekspertit të Shëndetit Publik, kjo masakër me shëndetin e shqiptarëve duhet të marrë fund, ndërsa kërkon të dijë se ku janë protokollet që Ministria dhe Komiteti pretendojnë se kanë.
Statusi
Nuk është raft farmacie, por receta e dërguar me SMS një pacienti më pak se 30 vjeç, i cili të vetmen simptomë që ka është temperaturë 38⁰!!!
Kjo masakër me shëndetin e qytetarëve duhet të marrë fund!!!
Ku janë protokollet që ministria dhe komiteti pretendojnë se kanë?!
Pse ky i ri po mjekohet me këtë farmaci për një temperaturë 38⁰?!
