Ish Miss Bota, Aishwarya Rai Bachchan, e cilësuar si një nga gratë më të bukura në botë, është konfirmuar pozitive me koronavirus.
Ajo është shtruar në një spital në Indi së bashku me vajzën e saj 8-vjeçare. Ylli i Bollywood, së bashku me të gjithë familjen e saj janë në spitalin Nanavati në Mumbai.
Javën e kaluar u konfirmuan pozitivë bashkëshorti i saj Abhishek Bachchan dhe vjehrri Amitabh Bachchan. Edhe këta të fundit janë aktorë mjaft të njohur në Indi.
Aishwarya Rai, e cila ka luajtur edhe në filmin e Hollywood “The Pink Panther 2” ishte më herët në izolim në shtëpi para se gjendja të përkeqësohej.
