Sulmuesi shqiptar, Shkëlqim Demhasaj ka shkëlqyer në ndeshjen përballë Olimpiakosit të vleshme për raundin e tretë të Ligës së Europës. Ai ka gjetur rrugën e rrjetës vetëm 1 minutë pasi u hodh në fushë, golin e vetëm në humbjen 1-3 të Luzernës në shtëpi.
22-vjeçari në sezonin e kaluar shqiptari shënoi 6 gola, teksa shpreson që këtë sezon të ri, ta gjejë më shpesh rrugën e rrjetës. Së fundmi për Demhasajn ka pasur interes edhe nga Kombëtarja shqiptare, teksa synohet që 22-vjeçari të vishet kuqezi.
