Sport

Një “mal” me para dhe 3 lojtarë, tjetër ofertë e çmendur për Neymar

               Publikuar në : 11:46 - 22/08/19 user tir

Neymar vijon të jetë një çështje e cila nuk po merr një zgjidhje përfundimtare. 3 ekipe, Real Madrid, Barcelona dhe Juventus, vazhdojnë të jenë në garë për të siguruar shërbimet e brazilianit. PSG mbetet i hapur për të negociuar me çdo ekip, por refuzimet e tyre të njëpasnjëshme tregojnë të kundërtën. Pas refuzuan ofertën e Barcelonës, Leonardo i ka thënë “Jo” edhe ofertës të ardhur nga Real Madrid, dhe çfarë oferte: 100 milion euro kesh plus kartonin e 3 lojtarëve, Bale, Rodriguez dhe Keylor Navas.

“Parisi kërkon më shumë”, ky është titulli i të përditshmes franceze “L’Equipe”, e cila i ka kushtuar faqen e parë brazilianit. Në Spanjë, e përditshmja sportive “Mundo Deportivo” shkruan se Real Madrid mbetet kandidati kryesor për të siguruar shërbimet e Neymar, kjo për një arsye të thjeshtë, PSG preferon të shesë lojtarin në Madrid se sa ta rikthej në Barcelonë.

Ndërsa “AS” nënvizon se Neymar është i gatshëm të heqë dorë nga 50% e imazhit të tij vetëm për t’u transferuar tek Reali, gjithnjë nëse Barcelona nuk gjen paratë e duhura për të rikthyer në shtëpi.

Kthehu
WhatsApp Denonco ne TT