Dy shqiptarë janë dënuar me nga 20 muaj burg nga drejtësia britanike. Ata janë Neim Bakia, 23 vjeç, dhe Adeljan Oshafi, 31 vjeç. Dyshja kujdesej për një fabrikë kanabisi në zyrat e qendrës së qytetit të Gloucesterit.
https://tiranatoday.com/videofotobrenda-nderteses-me-xhama-shqiptaret-ngriten-biznes-fitimprures-emrat/
Ata janë burgosur nën akuzën; “kopshtarë dhe kujdestarë të bimëve” dhe jo drejtues të lartë. Falë një aksioni të sofistikuar policor, dy burrat ranë në pranga në tetor të këtij viti.
Por, kush janë shqiptarët?
Në gjykatë u tha se dy burrat kishin borxhe në vendin e tyre në Shqipëri. Atyre u ishte dhënë një mundësi punësimi për të shlyer borxhet.
Tara Wolfe, që përfaqëson Bakian, tha: ” Gjatë operacioni u sekuestruan edhe para. Me ato para ai do të shlyente një borxh. Ai nuk kishte asnjë fitim nga puna që po bënte. Ai ishte një punëtor që shfrytëzohej. Ai është shumë, i shqetësuar nëse kthehet në Shqipëri”.
Më tej avokatja u shpreh se Bakia në Shqipëri jetonte në një zonë rurale bashkë me familjen, raporton gloucestershirelive.co.uk.
Ai kishte thënë se babai i tij ishte në gjendje të rëndë shëndetësore. Ai sapo të vuaj dënimin do të kthehet në vendin e tij të origjinës.
Eugene Hickey, që përfaqësonte Oshafin, tha: “Ai erdhi për një jetë më të mirë. Miqtë e tij i thanë që të punonte aty, edhe pse ai kishte dyshime. Por ai pranoi të punonte me vullnetin e tij”./TIRANA TODAY/
