Futbolli nuk po gjen qetësi, si pasojë e shtimit të rasteve me koronavirus. Lase Shone është bërë lojtari i dytë i Xhenoas i prekur nga Covid-19. Një ditë më parë, Xhenoa konfirmoi se edhe Matia Perin kishte rezultuar pozitiv me koronavirus.
Të dy lojtarët nuk do udhëtojnë me ekipin për ndeshjen ndaj Napolit, ndërsa u duhet që të qëndrojnë të izoluar. Pjesa tjetër e skuadrës së Xhenoas ka dalë negative në testet për Covid-19. Rasti i portierit Perin, bëri që ndeshja të shtyhej me disa orë.
