Nga atentati i tipit mafioz, shumë pikëpyetje janë ngritur në lidhje me vrasjen e Hekuran Billës. Natën kur ai humbi jetën, e kishte lënë për të takuar të motrën. Por që për fat të keq, nuk arriti që ta shihte, pasi atij i morën jetën.
40-vjeçari, pasditen e së enjtes kishte takuar disa shokë në qytetin e Durrësit, bëjnë me dije burime për “Panorama”. Ndërsa më vonë ka shkuar tek “Komuna e Parisit” në Tiranë, ku dhe u qëllua me breshëri plumbash.
Familjarët besojnë se midis telefonatave të asaj pasditeje, ishte edhe një femër. Ende nuk dihet zyrtarisht se kush e nxori në pritë, por këto janë dyshimet e para. Sakaq, u mbetet organeve të hetimit, të hedhin dritë mbi këtë vrasje.
Telefonata e fundit me familjarët
I ati i të ndjerit, kur e ka telefonuar për ta pyetur për vendndodhjen, ai i ka thënë se po shkonte drejt “Komunës së Parisit”. Ajo ishte telefonata e fundit, pas ngjarjes tragjike që ndodhi më pas.
Edhe vetë i ndjeri, ka qenë i shqetësuar javët e fundit, duke i deklaruar të motrës: “Punët nuk i kemi hiç mirë”.
Ndërkohë, burime nga grupi hetimor i thanë “Klan” se kanë dyshime se Hekuran Billa është ndjekur para se të vinte në Shqipëri, dhe më pas është dhënë informacion për vrasësin. Lidhur me këtë rast, policia ka shpallur në kërkim Viktor Prelën për vrasjen, por nuk ka ende prova për ta lidhur me ngjarjen.
