Ministri i Turizmit dhe Mjedisit, Blendi Klosi, duke folur për këtë sezon veror, tha se distanca mes shezlongeve do të jenë 2.5-3.5 metra, ndërsa për tarifat do të merret vetë pushteti lokal. Klosi citoi se për shkak të pandemisë së koronavirusit, është penguar puna në bërjen e ligjit të ri të bregdetit. Ministri shtoi se në bazë të ligjit ekzistues, plazhet kontrollohen nga bashkitë që vendosin dhe tarifat.
“Jemi ende duke gjykuar mundësinë me ekspertët e shëndetësisë, nëse do të kemi hapësirat e pafundme që kemi patur vitet e kaluara. Situata shezlongesh me operatorët në plazhe apo më shumë kufízime, pasi shikohet si një nga burimet e ínfeksionit.
Kjo është një pikëpyetje e madhe që akoma nuk i kemi gjetur zgjidhje. Sa i përket distancave që ne kërkojmë, është një kërkesë e Organizatës Botërore të Turizmit, pak a shumë në të njëjtat distanca janë edhe tani në hotelet shqiptare, 2.5 – 3.5 metra larg nga njëri-tjetri shezlonget.
Pra nuk është se kërkohet ndonjë sforco e madhe, por edhe ai biznes duhet futur kontroll pasi tërmeti dhe pandemia na penguan në bërjen e ligjit të ri të bregdetit. Por në bazë të ligjit ekzistues, plazhet kontrollohen nga bashkitë që vendosin dhe tarifat.
Për tarifat nuk mund të jetë shteti negociator, janë vendimmarrje të pushtetit lokal, çdo bashki ka tarifat e saj. Është në pikëpyetje nëse do të ketë hapje të sezonit në raport me pandeminë. Nuk mund të fillojmë promovim për një pikëpytje të madhe që është kur do të hapen kufijtë, dhe nëse do të kemi më shumë fluturime individuale apo të organizuara”, tha Klosi.
Referuar abuzimeve me çmimet, ku këtë fundjavë është raportuar se një çadër kushtonte 50 euro, Klosi deklaroi se shteti nuk mund të bëjë asgjë në këtë drejtim. Ai u shpreh se gjatë pandemisë, turizmi mbetet biznesi më i goditur. Por ministri, duke e parë situatën në një tjetër këndvështrim, tha se kemi mangësi në klient, ndaj bizneset duhet ta mendojnë mirë nëse do rrisin çmimet.
“Shteti nuk mund të bëjë asgjë për këtë, dhe duhet të jemi realistë në këtë diskutim, pasi flasim për një biznes më të goditur dhe numër më të ulët të klientëve dhe të ofertës. Unë nuk shoh dhe nuk mendoj që do të kemi çmime të rritura në këtë sezon, pasi kemi mangësi në klient dhe çmimet do të bien.
Duke qenë më të fokusuar në turizmin e brendshëm, hotelierët e kuptojnë qartë. Nuk besoj që ky vit do të ketë problematika me çmimet, kur ne nuk do të kemi njerëz”, tha ai në një intervistë në “Fax News”.
