Një breshkë mjaft e rrallë Caretta Caretta, është gjetur mëngjesin e sotëm në brigjet e Himarës. Ajo ka pësuar dëmtime, si pasojë e përplasjeve në shkëmbinj.
Breshka është marrë nga agjencia e zonave të mbrojtura ku do të kurohet, për t’u hedhur më pas sërish në det.
Nga tetë speciet e breshkave të detit që jetojnë në rruzullin tokësor, ekzistojnë dy specie, të cilat quhen breshka deti me kokë të madhe Caretta Caretta, dhe breshka e gjelbër e detit Chelonia Mydas. Këto dy lloje breshkash deti zakonisht bëjnë shumë fole në plazh dhe i lënë vezët e tyre gjatë natës mes muajve maj-gusht.
