Kjo foto e një avioni gati të zbrazët që largohet nga Kabuli po shpërndahet gjerësisht në Twitter:
Siç thotë Alexander Marquardt i CNN në Twitter-in e tij, avioni është një nga tre të marrë me qira nga George dhe Maria Abi-Habib, bashkëthemelues të firmës së zhvillimit me qendër në Uashington, Sayara International, e cila ka punuar prej kohësh në Afganistan.
Abi-Habib citohet nga “The Wall Street Journal” të ketë thënë se avioni ishte marrë me qira për të marrë afganët në Ugandë, por ka hasur pengesa në aeroportin e Kabulit. Marinsat amerikanë që mbanin portat, nuk pranuan të lejojnë afganët me vende në aeroplan të hyjnë brenda; një grua ugandiane zvarritet përmes një tubi të ujërave të zeza për të hyrë në aeroport, tha Abi-Habib për “Journal”.
Ai tha se pas ditëve të përpjekjeve të pasuksesshme për të zgjidhur çështjet, avioni me 345 vende duhej të fluturonte nga Kabuli me vetëm 50 pasagjerë. “Ne nuk mund të presim që të gjithë të zvarriten përmes një tubi kanalizimesh drejt sigurisë”, tha ai. “Dritarja po mbyllet”.
“Wall Street Journal” raporton se një gjë e ngjashme ka ndodhur me një fluturim çarter për në Ukrainë. Rreth 40 grave afgane të planifikuara për të marrë fluturimin, ju refuzua hyrja në aeroport nga marinsat amerikanë. Pas dy ditësh, avioni me 240 vende u ngrit me 70 vende bosh, citohet të ketë thënë Stacia George nga Qendra Carter.
Burimi i lajmit: BBC. Përshtatur nga Tirana Today
